Educational Loans

Khawvel intlansiakna hrang hrang zingah chuan ZIRNA hi a pawimawh ber kan ti thei ang e. A bik takin zirna sang (Higher Studies) te tel lo phei hi chuan eizawnna kawng tam tak hi a a zawh theih lo a ni. Tin, tumahin kan hnial loh leh kan hriat theuh chu Zirna hi a lei a lei a ngai takzet tawh a, zirna senso pawhin tam lam a pan chho zel bawk a ni. Hei hi nu leh pa tam tak tilungai tu aniduh fo a ni; Mahse, zirlai mahni zirna a thiam leh rilru nei tan erawh chuan kawng hi a awm leh zel thin. Hetiang naupang, zirlai a thiam tak leh sum lama harsa te tan tunah chuan Bank tam tak te hian Educational Loans pek an in ring reng a ni.

Amaherawhchu, nu le pa leh zirlai te tan hian hetiang educational loans hi engtia lak tur nge tih leh hemi chungchang ah hian zawhna tam tak chhana an neih loh hi a awm fo bawk a ni. A bik takin zirlai ranking tih te, zirna sang admission a lak tumna institute status tih te - hetiang zawhna hrang hrang hian a ti luhai fo ani. Tunah phei chuan institutes a annual fee te lah hi a kum tin mai hian a pung zel si a. Entirnan, Indian Institute of Ahmedabad (IIM-A) annual fees hi 1983 a Rs. 3000 atang khan tunah chuan Rs. 175000 a lo ni daih ta mai.

Zirlai tam zawk Government Medical College leh Engineering College ah admission hmu lo te nu leh pa luhaina te phei hi chu namen lo a ni. Course in ang theuh theuh ah pawh Private College leh Government College te annual fees inthlauhna hi tam fe a ni a, a then a phei chuan a let nga hial te pawh a ni thin. Mahse hei hi chu State hrang hrang ah pawh a inang lo leh zel bawk. Entrinan, Maharashtra ah chuan Private Engineering College ten Rs. 45000 an charge laiin Government College te tan chuan Rs. 15000 chauh a ni.

Sawrkar hmalakna:

Zirlai thiam tak tak leh phu tak tak ten zirna sang zawk an zir theih nan Sawrkar chuan Reserve Bank of India (RBI) nen a tangrualin Banks hrang hrang te an han request a. Kum 2000 khan Banks te chuan Educational Loans hi pek an in peih thu an ti fel ta a ni. Ram chhunga zirduh atan loan Rs. 7.5 lacs chhin leh ram pawna zir duh tan Rs. 15 lacs chhin chu an fix ta a ni. Hetih rual rual hian Public sector Banks thenkhat hemi limit an fix pela loan pe an awm ve tho bawk; mahse hetiang te hi chu special case te an ni thin.

Banks te hian Loan an pek hian, RBI guidelines an thlapin loan hi an pe a. RBI guideline hian Interest Rate charge tur thelng hian a tih fel sak vek a ni.Rs. 4 lacs chhin loan hi Banks te hian an benchmark prime lending rate (BPLR) ai a sang interest a charge thei lo va, a aia tam loan a nih chuanan BPLR + 1% rate a charge thei a ni. Banks hrang interest rates hi a in tlang pui a, mahse an interest rate hi mimal bank bik te BPLR nena link a nih avang hian BPLR a zir in Bank hran hran te interest rate hi a in ang lo thin a ni.

Indian Bank Association (IBA) atanga data thar berah chuan Banks BPLR hi 10.25 atanga 14.75 percent inkar a ni. Tin Banks hain zirna sang atana loan an pek ah hian Rs. 4 lacs chhin loan atan Collateral (Security) emaw, Margin Money andil a thiang lo ani. Mahse thil hraittur pawimawh chu, Banks te hian Surety / Guarantor hi chu an mamawh tlangpui. Loan Rs. 4 lacs aia tam ah hian Bank te hian 5% to 15% 'margin contribution' an dil thin fo bawk a ni. Margin Contribution / margin money hi enge ni tih hi han thlir leh lawk ila: Margin Money hi a awlsam bera sawi fiah dan chu Zirna tur Fee atanga Loan in a cover loh, zirlai in ama sum a pek hi a ni tlangpui. Entirnan, Rs. 100 fee ah loan in Rs. 90 tum ta se, Rs. 10 zirlai in ama sum pe ta se, Rs. 10 zirlai in a pek hi margin money chu a ni mai.

Eng eng course atan nge Loan a lak theih: Degrees nge Diploma?

Diploma course te pawh hi loan hmanga zir theih chu a ni meuh mai a, mahse Banks te hian Diploma te ai chuan Degree fel fai- Graduation pangngai emaw, Post Graduation te hi loan an pe duh zawk a ni. A bik takin zirna, zir zawh veleh a hna hmuh theihna (Professional Degrees) te hi Banks te hian loan an sanction duh bik thin a ni. Experience atang chuan Banks te hian Degree pangngai hi an sanction duh bik a, Diploma te hi chu an sanction duh meuh thin lo.

Tunah hian Banks 25 chhuang - MBA, Medical, Engineering , Post Graduation leh Research zirna te Loan sanction duh hi an awma, tin Bank 20 vel hian Computer hardware leh Graduation pangngai atan loan pe an awm bawk. Mahse, thil hriat tlak chu Chartered Accountant, ICWA, Company Secretary, Commercial Pilot training, Navy, Nursing leh LLB te hi Banks hian loan an sanction duh tha mang lo a ni.

Loan hi engtia rulh leh tur nge?

Banks te hian loan an han pek hian loan rulh let nan hian kum 5 atanga kum 10 vel repayment schedule hi an siam sak fo thin a. Hei hi Loan lak zat te leh zir zawh hnu a zirlai ten loan an rulh thei zat te en a period hi fix a ni thin. Banks tamzawk hian a tlangpuiin Loan rulh hian repayment holiday period - Moratarium, hi an pe tlangpui bawk. Hei hi zir zawh atanga kum khat emaw, hna hmuh hnu atang thla ruk in kar a ni tlangpui.

hei bakah hian Zirlai te tan hian concesssions tam tak a awm bawk a. Banks te hian hmeichhe zirlai te tan hian interest rate an tih hniam mai bakah, moratarium period hunah hian interest rebate te pawh an pe bawk thin a ni. Tin Bank thenkhat te chuan Rs. 4 lacs chhin pelin Rs. 7.5 lacs thleng loan te pawh hi Collateral te dil miah lovin loan an sanction bawk. Tin Banks tam tak te hian an processing fee thleng te hian an waive off thin bawk a ni. Hetiang options hrang hrang te hi chu Bank leh zirlai indawrna a zir te pawh a ni ve bawk a ni.

Zirlai ten educational loan an lak dawnin, Banks tam zawk hi dawr ngei se, an interest rate hrang hrang te compare in, repayment schedule te thleng in, ama tan remchhang leh tha ber hi thlan thiam a tha. Hemi bakah hian, Zirlai te hian he an loan lak hi Income Tax Rebate an hmu thei bawk tih hriat a tha. Sec 80 CCE hnuaiah Rs. 1 lacs thleng, an loan interest an rulhna a rebate an claim thei a ni.


Educational Loan - Brief Guide

Loan a dil theih:

1) College Tuition Fee
2) Hostel Fees
3) Mess Fees
4) Examinations Fees
5) Library leh Laboratory Fees
6) Lehkhabu man, Instruments, leh Uniform pawh
7) Coution deposit, Building deposit, Refundable Deposit
8) Ram pawna zir duh tan, zinna man pawh
9) Computers leina man
10) Campus a hamn tur two wheeler man te pawh

Documentation Mamawh te:

1) Marksheets
2) Proof of Admissions - He hi calling letter te a ni tlangpui
3) Institute atanga senso awm thie tur list
4) Passport size photographs
5) Loan latu Account statement
6) Income Tax pe nih chuan, Income Tax Assessment copy
7) Proof of Income

Loans pe bank hrang hrang list:

Allahabad Bank
Andhra Bank
Bank of Baroda
Bank of India
Bank of Maharastra
Bank of Rajasthan
Bank of Baroda
Canara Bank
Catholic Syrian Bank
Central Bank
Dena Bank
Development Credit Bank Limited
Federal Bank Ltd.
HDFC Bank
HSBC Bank
IDBI Money Scholar
Indian Bank
Indian Overseas Bank
Karnataka Bank
Mysore Bank
Oriental Bank of Commerce
Punjab & Sind Bank
Punjab National Bank
State Bank of Hyderabad
State Bank of India
State Bank of Indore
State Bank of Mysore
State Bank Of Saurashtra
Syndicate Bank
UCO Bank
United Bank Of India
United Western Bank
Uniion Bank
Vijaya Bank
Vysya Bank

Important Links:

http://www.statebankofindia.com/viewsection.jsp?id=0,1,20,118
http://www.bankofindia.com/home/productsservices/eduloans.asp
http://www.hsbc.co.in/in/personal/loans/educationalloan.htm
http://www.vidyapatha.com/edu_loans/eduloan.php
http://www.hindustanlink.com/careertex/educational-loans-india.htm