HIV Damdawi Thar Chhuak

News: Sep 21, 2009: HIV researchers-te chuan kum 15 chuang zenzawn damdawi hmuhchhuah tuma beihpui an thlak hnuin tunhnai khan HIV hrik thah theihna damdawi chihnih an hmuhchhuah thu September 4 khan The Australian chanchinbuah tarlan a ni a.

An damdawi hmuhchhuah thar PG9 leh PG16 tia an koh chu HIV hrik laka invenlawkna mai bakah HIV natna vei mekte lamin enkawl dam theihnatur a nih thu an sawi a. African hnam 7 te, Thailand, Britain, US leh Australia rama HIV natna vei mekte mi 1,800 thisen hmanga he damdawi hi finfiah a nih hnuah an hlawhtlin thu Professor Burton leh a hote chuan khawvel hriatin an auchhuahpui a, tun hnu kum 5 – 10 chhungin khawvel hmun tina hman theih tura siamchhuah theih ngei an beisei thu an tarlang bawk.

International Consortium hruaitu immunologist Dennis Burton, Scripps Research Institute, La Jolla, California a thawk mek chuan he HIV damdawi PG9 leh PG16 hi a hmuchhuak niin Journal Science ah tarlan a ni.

Khawvel mihring 33 million chuangin HIV an vei mek a. Tin HIV natna vangin khawvel mipui 25 million lai an thih tawh bakah he natna hian kumtin mihring 2 million chuang nunna a suat thin niin chanchinbuah tarlan a ni bawk. Hetianga HIV/AIDS hrik tihhlum theihna antibiodies an hmuh chhuak hlauh mai hi lawmawm a tih thu leh khawvel mihring tamtak tan a tangkaitur thu phur takin Professor Burton chuan a sawi a ni.

source:zoin.info, science daily

Views: He damdawi hi ram dangah chuan a lar tawh hle a, alo tha tak tak a nih chuan thil hmuhchhuah ropui tak a ni dawn a, amaherawh chu sualna nasa zawk a pung ang tih a hlauhawm hle. Pathianin mihringte a siam chungnun zia te, finna te a pek nasat zia a lang a, a thu kan awih loh chuan damdawi hmuhchhuah theih loh natna te pawh a rawn la thlen leh thei. Pathian thu thu a ni e.


Post your Views/Comment here