|
News: March 29, 2010 : Grand Society of Mizoram (GSM) a.k.a The Hunt Top 10 atanga mi pali Mumbai a 5th Indian Idol a audition rawn nei te vanduaithlak tak maiin audition round an paltlang zo lo. Tin thu kan dawn danin tun tum audition round ah hian North East atangin mi thahnem tawk tak an rawn kal khom, mahse tumah audition round paltlangzo an awm lo, a vanduai thlak hle.
Sunday khan Mizoram lam pannin Mumbai an chhuah san. Heng kan zai thiam rawn kal te chu Nl. Zonunmawii (1st Leite), Nl. Lalsangzuali (4th Kolasib), Tv. Joseph (3rd Thuampui), Tv. Aldrin (7th Armveng South) te an ni, an ni hi Pi Laltlanthangi Pachuah GSM Financial Secretary leh Radio Artist ni bawkin a rawn ho. Mumbai an awm chhungin Salvation Army Red shield House ah thleng.
Views: Kan Mizo zaithiam te Mizoram mai nilo India ram khawpuizawkah an talent te tihpun zel duhna thinlung an nei hi a ropuiin an fak awm hle mai, tin hetih rualin an mahni talent haichhuak a tanpuia kawng kawhhmuh tu leh sponser tu Grand society of Mizoram (GSM) te pawh an fakawm in chawimawi an phu hle.
Nia hei kum tin mai Indian Idol ah North East lam kan lang ve ta ziah maia, tun tum pawh hi Mumbaiah hian beiseina sangtak kan neih laiin a khawnot a North East contestan hnawl an ni hi hriatthiam a har khop mai. Kan aw phoi in a zir lo nge ni a, a chhi bik zawnga in thliarna a awm tih pawh hriat harsa tak a ni. Kan Mizo zaithiamte an tla hi cu hriat thiam awm viau rualin a nawlpuia North east contestan te hnawl an ni hi chu, final round pawh nilo, audition round ah lehnghal thil felo a awm e maw nile te pawh a tih thei rum rum theih mai. Mahse kan thatna turin a niang e, challenge ah laka a kum leha chuan a aia thazawka ti tur in kan in buatsaih dawn nia. Tin hetih lai hian Nl. Tini Mohini Thapa (3rd The Hunt) erawh chu Kolkota ah audition tiin final round a thleng mek bawk, tunah hian classical song zirin Kolkotaah a la cham mek. Final round beiturin April Thlatawp hian Mumbai a rawn kal dawn.
Post your comments/ views here
|
News &
Views